Pridie Kalendas Decembris. Luna quintodecima. Apud Patras
in Achaia, natalis sancti Andreae Apostoli, qui in Thracia et Scythia sacrum
Christi Euangelium praedicauit. Is, ab Aegea proconsule comprehensus, primum in
carcere clausus est, deinde grauissime caesus, ad ultimum suspensus in cruce,
in ea populum docens biduo superuixit; et, rogato Domino ne eum sineret de
cruce deponi, circumdatus est magno splendore de caelo, et, abscedente
postmodum lumine, emisit spiritum.
Nessun commento:
Posta un commento