Quartodecimo Kalendas Augusti. Luna undetrigesima. Lutetiae Parisiorum natalis sancti Vincentii a Paulo, presbyteri et confessoris, Congregationis Presbyterorum Missionis et Puellarum Caritatis fundatoris, uiri apostolici et pauperum patris; quem Leo Decimus tertius, Pontifex Maximus, omnium Societatum caritatis, in toto catholico orbe exsistentium et ab eodem sancto quomodolibet promanantium, caelestem patronum apud Deum constituit. Ipse in Domino obdormiuit quinto Kalendas Octobris.
Nessun commento:
Posta un commento