Vere dignum et justum est, aequum et salutáre, nos tibi
semper et ubíque grátias ágere: Dómine, sancte Pater, omnípotens aetérne Deus:
per Christum Dóminum nostrum.
In quo nobis spes beátae resurrectiónis effúlsit, ut quos
contrístat certa moriéndi condítio, eósdem consolétur futúrae immortalitátis
promíssio.
Tuis enim fidélibus, Dómine, vita mutátur, non tóllitur,
et, dissolúta terréstris hujus incolátus domo, aetérna in caelis habitátio
comparátur.
Nessun commento:
Posta un commento