San Matteo - 21 settembre

Vndecimo Kalendas Octobris. Luna quarta. In Aethiopia natalis sancti Matthaei, Apostoli et Evangelistae; qui, Leui cognominatus, a Iesu uocatus ad sequendum, munus publicani seu uectigalium exactoris reliquit. Post Pentecosten, in ea regione praedicans, martyrium passus est. Huius Evangelium, Hebraeo sermone conscriptum, quo Iesum Christum, filium Dauid, filium Abrahae, Vetus Testamentum adimpleuisse praesertim proclamatur, ipso Matthaeo reuelante, inuentum est, una cum corpore beati Barnabae Apostoli, tempore Zenonis imperatoris.