IN ASSUMPTIONE BEATÆ MARIÆ VIRGINIS (I classis)
AD SECVNDAS VESPERAS (iuxta Psalterium Gallicanum)
{Ante Divinum Officium, flexis genibus}
Aperi Domine, os meum ad benedicendum nomen sanctum tuum: munda quoque cor meum ab omnibus vanis, perversis et alienis cogitationibus; intellectum illumina, affectum inflamma, ut digne, attente ac devote hoc Officium recitare valeam, et exaudiri merear ante conspectum divinæ Maiestatis tuæ. Per Christum Dominum nostrum. R. Amen.
Domine, in unione illius divinæ intentionis, qua ipse in terris laudes Deo persolvisti, hanc tibi Horam persolvo.
Pater noster, qui es in cælis, sanctificetur nomen tuum: adveniat regnum tuum: fiat voluntas tua, sicut in cælo et in terra. Panem nostrum quotidianum da nobis hodie: et dimitte nobis debita nostra, sicut et nos dimittimus debitoribus nostris: et ne nos inducas in tentationem: sed libera nos a malo. Amen.
Ave Maria, gratia plena; Dominus tecum: benedicta tu in mulieribus, et benedictus fructus ventris tui Iesus. Sancta Maria, Mater Dei, ora pro nobis peccatoribus, nunc et in hora mortis nostræ. Amen.
{Incipit. Officium}
V. Deus † in adiutorium meum intende.
R. Domine, ad adiuvandum me festina.
V. Gloria Patri, et Filio, * et Spiritui Sancto.
R. Sicut erat in principio, et nunc, et semper, * et in sæcula sæculorum. Amen. Alleluia.
{Psalmi ex Psalterio Gallicanum}
Ant. Assumpta est * Maria in cælum: gaudent Angeli, laudantes benedicunt Dominum.
Psalmus CIX
Dixit Dominus Domino meo: Sede a dextris meis:
Donec ponam inimicos tuos, * scabellum pedum tuorum.
Virgam virtutis tuæ emittet Dominus ex Sion: * dominare in medio inimicorum tuorum.
Tecum principium in die virtutis tuæ in splendoribus sanctorum: * ex utero ante luciferum genui te.
Iuravit Dominus, et non pœnitebit eum: * Tu es sacerdos in æternum secundum ordinem Melchisedech.
Dominus a dextris tuis, * confregit in die iræ suæ reges.
Iudicabit in nationibus, implebit ruinas: * conquassabit capita in terra multorum.
De torrente in via bibet: * propterea exaltabit caput.
Gloria Patri, et Filio, * et Spiritui Sancto.
Sicut erat in princípio, et nunc, et semper, * et in sæcula sæculorum. Amen.
Ant. Assumpta est * Maria in cælum: gaudent Angeli, laudantes benedicunt Dominum.
Ant. Maria Virgo * assumpta est ad æthereum thalamum, in quo Rex regum stellato sedet solio.
Psalmus CXII
Laudate, pueri, Dominum: * laudate nomen Domini.
{fit reverentia} Sit nomen Domini benedictum, * ex hoc nunc, et usque in sæculum.
A solis ortu usque ad occasum, * laudabile nomen Domini.
Excelsus super omnes gentes Dominus, * et super cælos gloria eius.
Quis sicut Dominus, Deus noster, qui in altis habitat, * et humilia respicit in cælo et in terra?
Suscitans a terra inopem, * et de stercore erigens pauperem:
Vt collocet eum cum principibus, * cum principibus populi sui.
Qui habitare facit sterilem in domo, * matrem filiorum lætantem.
Gloria Patri, et Filio, * et Spiritui Sancto.
Sicut erat in princípio, et nunc, et semper, * et in sæcula sæculorum. Amen.
Ant. Maria Virgo * assumpta est ad æthereum thalamum, in quo Rex regum stellato sedet solio.
Ant. In odorem * unguentorum tuorum currimus: adolescentulæ dilexerunt te nimis.
Psalmus CXXI
Lætatus sum in his, quæ dicta sunt mihi: * in domum Domini ibimus.
Stantes erant pedes nostri, * in atriis tuis, Ierusalem.
Ierusalem, quæ ædificatur ut civitas: * cuius participatio eius in idipsum.
Illuc enim ascenderunt tribus, tribus Domini: * testimonium Israël ad confitendum nomini Domini.
Quia illic sederunt sedes in iudicio, * sedes super domum David.
Rogate quæ ad pacem sunt Ierusalem: * et abundantia diligentibus te:
Fiat pax in virtute tua: * et abundantia in turribus tuis.
Propter fratres meos, et proximos meos, * loquebar pacem de te:
Propter domum Domini, Dei nostri, * quæsivi bona tibi.
Gloria Patri, et Filio, * et Spiritui Sancto.
Sicut erat in princípio, et nunc, et semper, * et in sæcula sæculorum. Amen.
Ant. In odorem * unguentorum tuorum currimus: adolescentulæ dilexerunt te nimis.
Ant. Benedicta filia * tu a Domino: quia per te fructum vitæ communicavimus.
Psalmus CXXVI
Nisi Dominus ædificaverit domum, * in vanum laboraverunt qui ædificant eam.
Nisi Dominus custodierit civitatem, * frustra vigilat qui custodit eam.
Vanum est vobis ante lucem surgere: * surgite postquam sederitis, qui manducatis panem doloris.
Cum dederit dilectis suis somnum: * ecce hereditas Domini filii: merces, fructus ventris.
Sicut sagittæ in manu potentis: * ita filii excussorum.
Beatus vir, qui implevit desiderium suum ex ipsis: * non confundetur cum loquetur inimicis suis in porta.
Gloria Patri, et Filio, * et Spiritui Sancto.
Sicut erat in princípio, et nunc, et semper, * et in sæcula sæculorum. Amen.
Ant. Benedicta filia * tu a Domino: quia per te fructum vitæ communicavimus.
Ant. Pulchra es * et decora, filia Ierusalem, terribilis ut castrorum acies ordinata.
Psalmus CXLVII
Lauda, Ierusalem, Dominum: * lauda Deum tuum, Sion.
Quoniam confortavit seras portarum tuarum: * benedixit fíliis tuis in te.
Qui posuit fines tuos pacem: * et adipe frumenti satiat te.
Qui emittit eloquium suum terræ: * velociter currit sermo eius.
Qui dat nivem sicut lanam: * nebulam sicut cinerem spargit.
Mittit crystallum suam sicut buccellas: * ante faciem frigoris eius quis sustinebit?
Emittet verbum suum, et liquefaciet ea: * flabit spiritus eius, et fluent aquæ.
Qui annuntiat verbum suum Iacob: * iustitias, et iudicia sua Israël.
Non fecit taliter omni nationi: * et iudicia sua non manifestavit eis.
Gloria Patri, et Filio, * et Spiritui Sancto.
Sicut erat in princípio, et nunc, et semper, * et in sæcula sæculorum. Amen.
Ant. Pulchra es * et decora, filia Ierusalem, terribilis ut castrorum acies ordinata.
{Capitulum * Iudith XIII: 22-23}
Benedixit te Dominus in virtute sua, quia per te ad nihilum redegit inimicos nostros. Benedicta es tu, filia, a Domino Deo excelso, præ omnibus mulieribus super terram. R. Deo gratias.
Hymnus
{Prima stropha sequentis hymni dicitur flexis genibus.}
Ave maris stella,
Dei Mater alma,
Atque semper Virgo,
Felix cæli porta.
Sumens illud Ave
Gabrielis ore,
Funda nos in pace,
Mutans Hevæ nomen.
Solve vincla reis,
Profer lumen cæcis,
Mala nostra pelle,
Bona cuncta posce.
Monstra te esse matrem,
Sumat per te preces,
Qui pro nobis natus,
Tulit esse tuus.
Virgo singularis,
Inter omnes mitis,
Nos culpis solutos
Mites fac et castos.
Vitam præsta puram,
Iter para tutum,
Vt videntes Iesum,
Semper collætemur.
Sit laus Deo Patri,
Summo Christo decus,
Spiritui Sancto,
Tribus honor unus.
Amen.
V. Exaltata est sancta Dei Genitrix.
R. Super choros Angelorum ad cælestia regna.
{Canticum Magnificat * Luc. I: 46-55}
Ant. Hodie Maria Virgo * cælos ascendit: gaudete, quia cum Christo regnat in æternum.
Magnificat † * anima mea Dominum.
Et exsultavit spiritus meus: * in Deo, salutari meo.
Quia respexit humilitatem ancillæ suæ: * ecce enim ex hoc beatam me dicent omnes generationes.
Quia fecit mihi magna, qui potens est: * et sanctum nomen eius.
Et misericordia eius, a progenie in progenies: * timentibus eum.
Fecit potentiam in brachio suo: * dispersit superbos mente cordis sui.
Deposuit potentes de sede: * et exaltavit humiles.
Esurientes implevit bonis: * et divites dimisit inanes.
Suscepit Israël puerum suum: * recordatus misericordiæ suæ.
Sicut locutus est ad patres nostros: * Abraham, et semini eius in sæcula.
Gloria Patri, et Filio, * et Spiritui Sancto.
Sicut erat in principio, et nunc, et semper, * et in sæcula sæculorum. Amen.
Ant. Hodie Maria Virgo * cælos ascendit: gaudete, quia cum Christo regnat in æternum..
V. Domine, exaudi orationem meam.
R. Et clamor meus ad te veniat.
Oremus. Omnipotens sempiterne Deus, qui Immaculatam Virginem Mariam, Filii tui Genitricem, corpore et anima ad cælestem gloriam assumpsisti: concede, quæsumus; ut ad superna semper intenti, ipsius gloriæ mereamur esse consortes. Per eumdem Dominum nostrum Iesum Christum, Filium tuum: qui tecum vivit et regnat in unitate Spiritus Sancti, Deus, per omnia sæcula sæculorum. R. Amen.
{Pro Dominica duodecima post Pentecosten:}
Ant. Omnis sapientia * a Domino Deo est, et cum illo fuit semper, et est ante ævum.
V. Vespertina oratio ascendat ad te, Domine.
R. Et descendat super nos misericordia tua.
Oremus. Omnipotens et misericors Deus, de cuius munere venit, ut tibi a fidelibus tuis digne et laudabiliter serviatur: tribue, quæsumus, nobis; ut ad promissiones tuas sine offensione curramus. Per Dominum nostrum Iesum Christum, Filium tuum: qui tecum vivit et regnat in unitate Spiritus Sancti, Deus, per omnia sæcula sæculorum. R. Amen.
V. Domine, exaudi orationem meam.
R. Et clamor meus ad te veniat.
V. Benedicamus Domino.
R. Deo gratias.
V. Fidelium animæ, per misericordiam Dei, requiescant in pace.
R. Amen.
{Post Divinum Officium, flexis genibus}
Pater noster, qui es in cælis, sanctificetur nomen tuum: adveniat regnum tuum: fiat voluntas tua, sicut in cælo et in terra. Panem nostrum quotidianum da nobis hodie: et dimitte nobis debita nostra, sicut et nos dimittimus debitoribus nostris: et ne nos inducas in tentationem: sed libera nos a malo. Amen.
V. Dominus det nobis suam pacem.
R. Et vitam æternam.
AD SECVNDAS VESPERAS (iuxta Psalterium Gallicanum)
{Ante Divinum Officium, flexis genibus}
Aperi Domine, os meum ad benedicendum nomen sanctum tuum: munda quoque cor meum ab omnibus vanis, perversis et alienis cogitationibus; intellectum illumina, affectum inflamma, ut digne, attente ac devote hoc Officium recitare valeam, et exaudiri merear ante conspectum divinæ Maiestatis tuæ. Per Christum Dominum nostrum. R. Amen.
Domine, in unione illius divinæ intentionis, qua ipse in terris laudes Deo persolvisti, hanc tibi Horam persolvo.
Pater noster, qui es in cælis, sanctificetur nomen tuum: adveniat regnum tuum: fiat voluntas tua, sicut in cælo et in terra. Panem nostrum quotidianum da nobis hodie: et dimitte nobis debita nostra, sicut et nos dimittimus debitoribus nostris: et ne nos inducas in tentationem: sed libera nos a malo. Amen.
Ave Maria, gratia plena; Dominus tecum: benedicta tu in mulieribus, et benedictus fructus ventris tui Iesus. Sancta Maria, Mater Dei, ora pro nobis peccatoribus, nunc et in hora mortis nostræ. Amen.
{Incipit. Officium}
V. Deus † in adiutorium meum intende.
R. Domine, ad adiuvandum me festina.
V. Gloria Patri, et Filio, * et Spiritui Sancto.
R. Sicut erat in principio, et nunc, et semper, * et in sæcula sæculorum. Amen. Alleluia.
{Psalmi ex Psalterio Gallicanum}
Ant. Assumpta est * Maria in cælum: gaudent Angeli, laudantes benedicunt Dominum.
Psalmus CIX
Dixit Dominus Domino meo: Sede a dextris meis:
Donec ponam inimicos tuos, * scabellum pedum tuorum.
Virgam virtutis tuæ emittet Dominus ex Sion: * dominare in medio inimicorum tuorum.
Tecum principium in die virtutis tuæ in splendoribus sanctorum: * ex utero ante luciferum genui te.
Iuravit Dominus, et non pœnitebit eum: * Tu es sacerdos in æternum secundum ordinem Melchisedech.
Dominus a dextris tuis, * confregit in die iræ suæ reges.
Iudicabit in nationibus, implebit ruinas: * conquassabit capita in terra multorum.
De torrente in via bibet: * propterea exaltabit caput.
Gloria Patri, et Filio, * et Spiritui Sancto.
Sicut erat in princípio, et nunc, et semper, * et in sæcula sæculorum. Amen.
Ant. Assumpta est * Maria in cælum: gaudent Angeli, laudantes benedicunt Dominum.
Ant. Maria Virgo * assumpta est ad æthereum thalamum, in quo Rex regum stellato sedet solio.
Psalmus CXII
Laudate, pueri, Dominum: * laudate nomen Domini.
{fit reverentia} Sit nomen Domini benedictum, * ex hoc nunc, et usque in sæculum.
A solis ortu usque ad occasum, * laudabile nomen Domini.
Excelsus super omnes gentes Dominus, * et super cælos gloria eius.
Quis sicut Dominus, Deus noster, qui in altis habitat, * et humilia respicit in cælo et in terra?
Suscitans a terra inopem, * et de stercore erigens pauperem:
Vt collocet eum cum principibus, * cum principibus populi sui.
Qui habitare facit sterilem in domo, * matrem filiorum lætantem.
Gloria Patri, et Filio, * et Spiritui Sancto.
Sicut erat in princípio, et nunc, et semper, * et in sæcula sæculorum. Amen.
Ant. Maria Virgo * assumpta est ad æthereum thalamum, in quo Rex regum stellato sedet solio.
Ant. In odorem * unguentorum tuorum currimus: adolescentulæ dilexerunt te nimis.
Psalmus CXXI
Lætatus sum in his, quæ dicta sunt mihi: * in domum Domini ibimus.
Stantes erant pedes nostri, * in atriis tuis, Ierusalem.
Ierusalem, quæ ædificatur ut civitas: * cuius participatio eius in idipsum.
Illuc enim ascenderunt tribus, tribus Domini: * testimonium Israël ad confitendum nomini Domini.
Quia illic sederunt sedes in iudicio, * sedes super domum David.
Rogate quæ ad pacem sunt Ierusalem: * et abundantia diligentibus te:
Fiat pax in virtute tua: * et abundantia in turribus tuis.
Propter fratres meos, et proximos meos, * loquebar pacem de te:
Propter domum Domini, Dei nostri, * quæsivi bona tibi.
Gloria Patri, et Filio, * et Spiritui Sancto.
Sicut erat in princípio, et nunc, et semper, * et in sæcula sæculorum. Amen.
Ant. In odorem * unguentorum tuorum currimus: adolescentulæ dilexerunt te nimis.
Ant. Benedicta filia * tu a Domino: quia per te fructum vitæ communicavimus.
Psalmus CXXVI
Nisi Dominus ædificaverit domum, * in vanum laboraverunt qui ædificant eam.
Nisi Dominus custodierit civitatem, * frustra vigilat qui custodit eam.
Vanum est vobis ante lucem surgere: * surgite postquam sederitis, qui manducatis panem doloris.
Cum dederit dilectis suis somnum: * ecce hereditas Domini filii: merces, fructus ventris.
Sicut sagittæ in manu potentis: * ita filii excussorum.
Beatus vir, qui implevit desiderium suum ex ipsis: * non confundetur cum loquetur inimicis suis in porta.
Gloria Patri, et Filio, * et Spiritui Sancto.
Sicut erat in princípio, et nunc, et semper, * et in sæcula sæculorum. Amen.
Ant. Benedicta filia * tu a Domino: quia per te fructum vitæ communicavimus.
Ant. Pulchra es * et decora, filia Ierusalem, terribilis ut castrorum acies ordinata.
Psalmus CXLVII
Lauda, Ierusalem, Dominum: * lauda Deum tuum, Sion.
Quoniam confortavit seras portarum tuarum: * benedixit fíliis tuis in te.
Qui posuit fines tuos pacem: * et adipe frumenti satiat te.
Qui emittit eloquium suum terræ: * velociter currit sermo eius.
Qui dat nivem sicut lanam: * nebulam sicut cinerem spargit.
Mittit crystallum suam sicut buccellas: * ante faciem frigoris eius quis sustinebit?
Emittet verbum suum, et liquefaciet ea: * flabit spiritus eius, et fluent aquæ.
Qui annuntiat verbum suum Iacob: * iustitias, et iudicia sua Israël.
Non fecit taliter omni nationi: * et iudicia sua non manifestavit eis.
Gloria Patri, et Filio, * et Spiritui Sancto.
Sicut erat in princípio, et nunc, et semper, * et in sæcula sæculorum. Amen.
Ant. Pulchra es * et decora, filia Ierusalem, terribilis ut castrorum acies ordinata.
{Capitulum * Iudith XIII: 22-23}
Benedixit te Dominus in virtute sua, quia per te ad nihilum redegit inimicos nostros. Benedicta es tu, filia, a Domino Deo excelso, præ omnibus mulieribus super terram. R. Deo gratias.
Hymnus
{Prima stropha sequentis hymni dicitur flexis genibus.}
Ave maris stella,
Dei Mater alma,
Atque semper Virgo,
Felix cæli porta.
Sumens illud Ave
Gabrielis ore,
Funda nos in pace,
Mutans Hevæ nomen.
Solve vincla reis,
Profer lumen cæcis,
Mala nostra pelle,
Bona cuncta posce.
Monstra te esse matrem,
Sumat per te preces,
Qui pro nobis natus,
Tulit esse tuus.
Virgo singularis,
Inter omnes mitis,
Nos culpis solutos
Mites fac et castos.
Vitam præsta puram,
Iter para tutum,
Vt videntes Iesum,
Semper collætemur.
Sit laus Deo Patri,
Summo Christo decus,
Spiritui Sancto,
Tribus honor unus.
Amen.
V. Exaltata est sancta Dei Genitrix.
R. Super choros Angelorum ad cælestia regna.
{Canticum Magnificat * Luc. I: 46-55}
Ant. Hodie Maria Virgo * cælos ascendit: gaudete, quia cum Christo regnat in æternum.
Magnificat † * anima mea Dominum.
Et exsultavit spiritus meus: * in Deo, salutari meo.
Quia respexit humilitatem ancillæ suæ: * ecce enim ex hoc beatam me dicent omnes generationes.
Quia fecit mihi magna, qui potens est: * et sanctum nomen eius.
Et misericordia eius, a progenie in progenies: * timentibus eum.
Fecit potentiam in brachio suo: * dispersit superbos mente cordis sui.
Deposuit potentes de sede: * et exaltavit humiles.
Esurientes implevit bonis: * et divites dimisit inanes.
Suscepit Israël puerum suum: * recordatus misericordiæ suæ.
Sicut locutus est ad patres nostros: * Abraham, et semini eius in sæcula.
Gloria Patri, et Filio, * et Spiritui Sancto.
Sicut erat in principio, et nunc, et semper, * et in sæcula sæculorum. Amen.
Ant. Hodie Maria Virgo * cælos ascendit: gaudete, quia cum Christo regnat in æternum..
V. Domine, exaudi orationem meam.
R. Et clamor meus ad te veniat.
Oremus. Omnipotens sempiterne Deus, qui Immaculatam Virginem Mariam, Filii tui Genitricem, corpore et anima ad cælestem gloriam assumpsisti: concede, quæsumus; ut ad superna semper intenti, ipsius gloriæ mereamur esse consortes. Per eumdem Dominum nostrum Iesum Christum, Filium tuum: qui tecum vivit et regnat in unitate Spiritus Sancti, Deus, per omnia sæcula sæculorum. R. Amen.
{Pro Dominica duodecima post Pentecosten:}
Ant. Omnis sapientia * a Domino Deo est, et cum illo fuit semper, et est ante ævum.
V. Vespertina oratio ascendat ad te, Domine.
R. Et descendat super nos misericordia tua.
Oremus. Omnipotens et misericors Deus, de cuius munere venit, ut tibi a fidelibus tuis digne et laudabiliter serviatur: tribue, quæsumus, nobis; ut ad promissiones tuas sine offensione curramus. Per Dominum nostrum Iesum Christum, Filium tuum: qui tecum vivit et regnat in unitate Spiritus Sancti, Deus, per omnia sæcula sæculorum. R. Amen.
V. Domine, exaudi orationem meam.
R. Et clamor meus ad te veniat.
V. Benedicamus Domino.
R. Deo gratias.
V. Fidelium animæ, per misericordiam Dei, requiescant in pace.
R. Amen.
{Post Divinum Officium, flexis genibus}
Pater noster, qui es in cælis, sanctificetur nomen tuum: adveniat regnum tuum: fiat voluntas tua, sicut in cælo et in terra. Panem nostrum quotidianum da nobis hodie: et dimitte nobis debita nostra, sicut et nos dimittimus debitoribus nostris: et ne nos inducas in tentationem: sed libera nos a malo. Amen.
V. Dominus det nobis suam pacem.
R. Et vitam æternam.
altre preghiere dedicate a Maria su: www.leggoerifletto.it
Nessun commento:
Posta un commento