domenica 17 maggio 2015

CYCLVS REDEMPTIONIS CELEBRATIO: TEMPVS PASCHALIS (TEMPVS ASCENSIONIS)

DOMINICA POST ASCENSIONEM

† Sequentia sancti Euangelii secundum Ioannem (XV, 26-27 et XVI, 1-4). In illo tempore: Dixit Iesus discipulis suis: Cum uenerit Paraclitus, quem ego mittam uobis a Patre, Spiritum ueritatis, qui a Patre procedit, ille testimonium perhibebit de me: et uos testimonium perhibebitis, quia ab initio mecum estis. Hæc locutus sum uobis, ut non scandalizemini. Absque synagogis facient uos: sed uenit hora, ut omnis, qui interficit uos, arbitretur obsequium se præstare Deo. Et hæc facient uobis, quia non nouerunt Patrem, neque me. Sed hæc locutus sum uobis: ut, cum uenerit hora eorum, reminiscamini, quia ego dixi uobis.